A obra de reforma urbana da Porta do Sol segue despertando interese polas súas características técnicas.

A complexidade dos traballos realizados para a escavación e montaxe subterránea das estruturas de soporte da praza, coa retirada posterior da lousa de formigón existente, centran a atención nesta obra singular que con este sistema minimiza as molestias da execución nun céntrico entorno urbano.

Durante o mes de xuño temos recibido a visita de grupos de estudantes e profesores do Máster en Enxeñería Industrial da Universidade de Vigo e do Ciclo Superior en Edificación e Obra Civil do Instituto Politécnico da cidade.
Durante unhas sesións prácticas sobre o terreo a cargo dos nosos técnicos, profesores e estudantes interactúan para descubrir os aspectos técnicos máis destacados dunha execución tan complexa.